الأحد، 21 أغسطس، 2016

معقودة
معقودة 
مقادير الوصفة:

  • 3 البطاطات
  •  5 ريوس ثومة
  •  شوية ربيع مقطع
  •  نصف فلفلة
  •  ملح ، بزار ،سكين جبير ،خرقوم ،تحميرة 
  • شوية زيت الزيتون
  •  أصفر بيضة
  •  شابليير أو فورص
  •  زيت القلي
طريقة تحضير الوصفة:

  • نسلق بطاطا بقشورها مع شوية الملح
  •  من بعد نقشروها ونطحنوها
  •  ناخدو الخلاط الكهربائي ونديرو فيه العطرية ،الربيع ،فلفلة مقطعة مربعات صغيرة ،ثومة ،زيت الزيتون  ونطحنو كلشي مزيان
  •  من بعد نكبو الخليط فوق البطاطا ونخلطو كلشي مزيان،نضيفو نصف بيضة ونمزجهم مزيان 
  • نديرو كويرات ونمرمدوهم فشابلير ولا فورص ونديرهم فمقلة فيها زيت القلي يكون سخون ونبداو نقليو فيهم من الجهتين حتى يتحمرو 

                              بصحة والراحة
 

السبت، 20 أغسطس، 2016


مهلبية
مهلبية
مقادير الوصفة:
  • 4 كيسان ونصف حليب 
  •  150 غ سنيدة (أي ما يعادل كأس إلا ربع)  
  • 6 م ك من النشا 
  •  1 م ك ماء الزهر
 طريقة تحضير الوصفة:

  • في كسرولة نكبوا 4 كيسان الحليب ونديروه فوق عافية متوسطة 
  •  ناخدو إناء نديرو فيه النشا مع نصف كأس حليب ونحركو مزيان  من بعد نضيفه على الحليب لي فوق البوطة
  •  ملي يقرب يغلى  نخليو كلشي يطيب مدة 2 دقائق مع التحريك ثم نضيف ماء الزهر نكبوا كلشي فالإناء المخصص وندخلوه للثلاجة يبرد  
  • يقدم بارداً مع إضافة الفستق أو اللوز  للتزيين

بصحة وراحة
(حليب محلى منزلي (نستله
حليب محلى منزلي (نستله)
مقادير الوصفة:
  • 1 كأس ماء طايب
  •  1 كأس حليب بودرة 
  • 1 كأس سنيدة 
طريقة تحضير الوصفة:
  • فكسرلة على نار متوسطة نخلطو جميع العناصر جيداً حتى يدوب الحليب وسنيدة
  • نديرو الخليط فإناء ديل زجاج وندخلوه للتلاجة
                                             بصحة والراحة

الاثنين، 15 أغسطس، 2016

زعلوك فالكوكوط
زعلوك فالكوكوط
مقادير الوصفة:
  • 3 الدنجلات منقيين 
  • 2 مطيشات 
  • 2 ريوس ثومة
  •  شوية الربيع مقطع
  •  م ص كمون
  •  م ص تحميرة 
  • الملح حسب الدوق
  •  الزيت البلدية 
  • م ك مطيشة الحك
طريقة تحضير الوصفة:
  • ناخدو كوكوط نقطعو فيها الدنجال قطع مربعة صغيرة نحكو مطيشة والثومة نضيفو الربيع والتوابل ونزيدو الزيت ومطيشة الحك 
  • نسدو كوكوط ونديرو السفارة ونشعلو عليه فوق البوطة غير تسفر بشوية نطفيو عليه ونحركه ونقدموه
بصحة والراحة

كيكة عادية
كيكة عادية
مقادير الوصفة:

  • 4 البيضات 
  • 2 كيسان سنيدة
  •  2 كيسان فورص
  •  1 كأس زيت
  •  3 الخمارات 
  • 2 فاني  
  • يوغورت فاني
طريقة تحضير الوصفة:

  • نمزج جميع العناصر من السائلة إلى الصلبة 
  •  نكبوها فقالب الكيك بعدما نكونو دهاناه بزبدة ورشيناه بفورص 
  •  وندخلوها الفران حتى تطيب وتحمر من الفوق
بصحة والراحة
 المثلجات  أو الايس كريم
 المثلجات  أو الايس كريم

مقادير الوصفة:
  • ساشي شونتيي غبرة
  •  نصف لتر حليب
  •  ساشي نيدو صغير 
  • فلان حسب دوق أنا ختاريت(فاني ،فريز ،وشكلاط)
  •  يوغورت حسب ختيار الفلان (فاني ،فريز ،شكلاط)
طريقة تحضير الوصفة:

  • كنطربو شونتيي مع الحليب حتى تطلع مزيان ونضيفو نيدو وسنيدة ونوصلو التطريب مزيان .من بعد نقسمو الخليط على 3
  •  الأول نطربوه مع فلان فاني ويوغورت فاني ونديروه ف الانية المخصصة 
  • ندوزو الخليط التاني نطربوه مع فلان فريز ويوغورت فريز  نديروه حتى هو فالانية ديالو 
  • نمرو الخليط الأخير نطربوه مع فلان شكلاط ويوغورت شكلاط 
  • ندخلو الأواني ب 3 المجمد لحين تصبح المثلجات ديالنا جاهزة للاكل

بصحة والراحة

 كريم كراميل منزلي
 كريم كراميل منزلي
مقادير الوصفة:
  • كأس سنيدة
  • 1 م ك زبدة
  •  نصف لتر حليب
  •  3 م ك ميزينا
طريقة تحضير الوصفة:
  • ناخدو سنيدة نديرها فكسرولة على عافية مهيلة ونبقاو نحركو الكسرولة بيدينا منستخدموش المعلقة حتى يولي لينا كريم كراميل ونزيدو عليه زبدة 
  • ناخدو الحليب ونخلطوه مع ميزينا ونكبه على الخليط الأول ونبداو  نحركو بالمعلقة حتى يدوب سكر ويختار لينا الخليط 
  • من بعد نكبوه فكويسات وندخلوه يبرد مزيان فالثلاجة
بصحة والراحة

BTemplates.com

الوصفات الأكثر مشاهدة